Afghan Emblem

کابل – د افغانستان اسلامي جمهوري ریاست د حکم پر اساس، د بشري حقونو ملاتړو د اجراآتو د پیاوړتیا په هدف او د افغانستان اړوند د بشري حقونو په برخه کې ملي او نړیوالو اندېښنو ته د ځواب ویلو او د بشري حقونو د مدافعانو د ساتنې په اړه د افغانستان حکومت د ستراتيژۍ او د اساسي قانون د حاکم پر اساس د بشري حقونو د مدافعانو د ساتنې ګډن کمېسیون د جمهوري ریاست د دوهم مرسیتال استاد سرور دانش په ریاست رامنځته شو.

د جمهوري ریاست په حکم کې راغلې ده چې په افغانستان کې د بشري حقونو اړوندو مسایلو په لاره کې د موثرو او اړینو بسترسازیو او د بشري حقونو په اړه د افغانستان د ژمنو ترسره کولو او د بشري حقونو د مدافعاتو د ملاتړ په موخه د بشري مدافعانو د ملاتړو د ساتنې ګډ کمېسیون د جمهوري ریاست د دوهم مرستیال استاد سرور دانش په ریاست منظور شوی دی.

د یاد حکم پر اساس، لوی څارنوال، د عدلیې وزیر، د کورنیو چارو وزیر، د ښځو چارو وزیره، د افغانستان د بشري حقونو خپلواک کمېسیون رئیس، د ملي امنیت عمومي رئیس، د سیمه‌ییزو ارګانونو خپلواکې ادارې عمومي رئیس، د سترې محکمې استازی، د جمهوري ریاست د چارو ادارې د قضايي، تقنیني او حقوقي چارو ریاست استازی او د اړتیا په صورت کې او د کمیسیون د رئیس په تائید سره به د نورو ادارو استازي هم د یاد کمېسیون غړیتوب ولري.

د کمېسیون د کړنلارې جوړول، د کمېسیون د کاري لومړیتوبنو ټاکل، د بشري حقونو د مدافعانو د خوندیتوب مکیانیزم جوړولو لپاره د بشري حقونو حوزې له غیر دولتي بنسټونو سره د ګډې طرحې تسوید، د بشري حقونو د مسایلو د کورنیو او بهرنیو تمویلوونکو او ملاتړو بنسټونو د نظریاتو اخیستل، د بشري حقونو د ملاتړو شکایتونو او طرحو ته رسیده‌ګي د دې کمېسیون د اهدافو او لومړیتوبونو څخه دي.

د بشري حقونو د مدافعینو د ملاتړ ګډ کمېسیون دارالانشا د بشري حقونو د خپلواک كميسيون پر غاره ده.

Leave a Reply

Your email address will not be published. Required fields are marked *

RSS
Follow by Email